Cassoulet is 'n ryk Franse boontjie- en vleisbrede wat afkomsitg is van die Languedoc-streek in Frankryk. Daar is verskillende variasies. Hierdie weergawe is spesiaal vir 'n Suid-Afrikaanse potjie.
Bestandele
- 2 eendborsies hulle gebruik gewoonlik die dytie/boudjie snit, maar dit neem baie langer om te kook en is moeiliker om in die hande te kry
- 200 g spek in repies gesny
- 500 g varknek of rib eye steaks in hap grootes opgesny
- 300 g varkwories in hap grootes opgesny (kruiewors of bangers)
- 1 groot ui in bokkies opgesny
- 6 knoffelhuisies opgekap
- 1 stuk vinkel in dun repe opgesny (die wit deel so groot soos 'n medium ui)
- 2 wortels in blokkies gesny
- 4 preie in dun ringe opgesny maak seker jy verwyder alle sand van die preie
- 2 selderyfingers in blokkies gesny
- 1 400 g blikkie tamaties fyngedruk
- 6 koppies hoenderaftreksel
- 4 takkies tiemie of 'n eetlepel droë tiemie
- 1 takkie roosmaryn
- 3 loerierblare
- skil van 'n lemoen
- 1 400 g blikkie cannellini-bone
- sout na smaak
- varsgemaalde peper
- 2 groot handevol pietersielie fyn opgekap
Instruksies
- Sny die velkant van die eend in repe en braai op die velkant in die pot tot baie van die vet uitgebraai het. Verwyder van die pot.
- Braai die spek tot bros en verwyder van die pot.
- Braai die wors en vark tot dit kleur gekry het en verwyder van die pot.
- Indien nodig, voeg olie by die pot en braai die uie, vinkel en knoffel stadig tot deurskynend.
- Voeg die res van die groente, aftreksel, tamatie, lemoenskil, kruie en spek terug in die pot en prut tot die groente gaar is.
- Sny die eend in hap groote blokke.
- Voeg die vleis, eend en bone by die pot. Prut vir 20 minute.
- Proe die pot vir soutvlakke. Sprinkel peper en bedien met die pietersielie en vars brood.

