Gebruik muffinpannetjies om vir elkeen 'n individuele mieliebroodjie (of twee) te maak. Bedien met botter, heuning (of konfyt) en kaas.
Bestandele
- 1 koppie growwe mieliemeel
- 1 koppie koekmeel (of witbroodmeel)
- 2 teelepels bakpoeier
- 300 ml amasi of karringmelk
- 2 eetlepeles olie
- 3 ekstra groot eiers geklits
- 1 blikkie geroomde mielies (410 g)
- 1 koppie gerasperde cheddarkaas (jy kan ook gouda gebruik)
- botter om die pannetjies te smeer
- heuning om bo oor die muffins te giet
Instruksies
- Verhit die oond tot 180 grade Celsius.
- Meng die bestanddele saam en roer goed deur.
- Giet die beslag in botter besmeerde muffinpannetjies tot driekwart gevul.
- Bak vir 20 – 30 minute tot gaar (afhangend van hoe groot jou muffinpannetjies is) en tot jy 'n ligte bruin kleur kan sien bo op of om die kante.
- Druk gate met 'n stokkie of vurk in die broodjies en giet die heuning bo oor.
- Laat vir 'n paar minute afkoel in die pannetjies.
- Sny of breek die broodjies oop en bedien met botter, kaas en heuning of konfyt.
