Bestandele
  

  • 500 sirloin of rump (kruisskyf) in blokke gesny
  • 1 groot ui opgesny
  • 2 knoffelhuisies opgekap
  • 500 beesstert of beesaftreksel
  • 2 loerierblare
  • 1 groot wortel klein opgesny
  • 2 tiemietakkies of 1 teelepel droë tiemie
  • 10 peperkorrels
  • olie vir diepbraai

Vir die “roux”

  • 4 eetlepels botter
  • ½ koppie meel
  • 1 koppie melk
  • 1 koppie beesaftreksel

Vir die rol

  • 1 ½ koppies broodkrummels
  • 1 koppie meel
  • 2 eiers geklits

Instruksies
 

Vleismengsel

  • Voeg al die bestanddele saam in ‘n pot en kook tot die vleis heeltemal uitmekaar vlok, ongeveer 1 ½ uur en tot al die vog afgekook het. Onthou om gereeld te roer soos die vog verminder. 
  • Laat afkoel en verwyder die loerierblare. 

Vir die “roux” (witsous)

  • Smelt die botter in ‘n pan.
  • Voeg die meel by en roer goed deur. Kook in die pan vir ‘n paar minute terwyl jy roer. 
  • Voeg stadig maar seker die melk en beesaftreksel by terwyl jy vinnig roer om klonte te voorkom soos jy ‘n gewone witsous sou maak. 
  • Sodra al die vog bygevoeg is, prut die sous vir nog 5 minute. Jy soek ‘n dik sous.
  • Laat afkoel.
  • Meng die vleis en witsous en plaas in die yskas vir ‘n paar ure.
  • Plaas olie op jou hande en begin die vulsel in balletjies rol. Bietjie kleiner as ‘n golfbal
  • Plaas elke balletjie op ‘n olie besmeerde oppervlak.
  • Sodra jy alles geroer het, plaas weer in die yskas vir so 30 minute.

Vir die rol

  • Rol elke balletjie in die meel, dan die eiers en dan die broodkrummels. Rol weer in die eiers en dan in broodkrummels.

Diepbraai

  • Verhit olie in ‘n pot. Om te toets of die hitte reg is, plaas ‘n klein stukkie broodkrummel in die olie. Dit moet borrels vorm. Indien jy temperatuurmeter het, verhit die olie to 180 grade Celsius.
  • Sodra die balletjies goudbruin is, verwyder en bedien met aioli (mayonnaise)

Pin It on Pinterest

Share This