Spaetzle (spätzle)
Met net 'n paar bestanddele kan jy 'n heerlike pot Spaetzle voorberei! Bedien met enige vleis of vis.

Kooktoerusting

  • Handmenger of Voedselverwerker 
  • Spaetzle drukker of Pasta vergites
  • Pot
  • Gaatjieslepel 
  • Groot lepel
  • Spaan
  • Koppie
  • Teelepel
  • Eetlepel

Bestandele
  

  • 2 koppies koek of witbroodmeel
  • 4 extra groot eiers
  • ½ koppie melk
  • 1 teelepel sout
  • 1 eetlepel botter
  • 250 ml room
  • ¼ teelepel vars gerasperde neutmeskaat
  • fyngekapte pietersielie

Instruksies
 

  • Hou ekstra meel en melk byderhand indien dit te dik of te loperig is. Die eiergrootte kan dit beïnvloed. Dis ‘n slap deeg soos pannekoek.
  • Jy kan enige kaas ook hierby bedien.
  • Meng die meel, eiers, melk en sout saam en klop die beslag vir 15 minute of tot dit borrels begin vorm. Jy kan ‘n handmenger of ‘n voedselverwerker gebruik.
  • ‘n Spaetzle drukker word gewoon gebruik, maar jy kan ‘n pasta vergites gebruik.
  • Bring ‘n groot pot water tot kookpunt.
  • Hou die vergites bo oor die kokende water. Wees versigtig vir stoom!
  • Skep ‘n groot lepel van die beslag in die vergites en stoot dit deur met ‘n spaan tot daar groot druppels van die beslag in die kookwater val.
  • Kook die beslag skep vir skep.
  • Verwyder met ‘n gaatjieslepel en plaas die botter bo op. Roer deur.
  • Voeg die room by die spaetzle en sprinkel neutmeskaat bo oor.

Notas

Bedien met enige vleis of vis.
Sleutelwoorde martelizesestamtafel, spaetzle

Pin It on Pinterest

Share This